Elavil အယ်လဗယ်
ဤဆေးကို စိတ်ဓာတ်ကျခြင်းကဲ့သို့သော စိတ်/စိတ်ပိုင်းဆိုင်ရာ ပြဿနာများကို ကုသရန် အသုံးပြုပါသည်။
၎င်းသည် စိတ်ခံစားချက်ကို မြှင့်တင်ပေးကာ၊ စိုးရိမ်ပူပန်မှုနှင့် တင်းမာမှုများကို ပြေလျော့စေကာ ပိုမိုကောင်းမွန်စွာ အိပ်ပျော်စေရန် ကူညီပေးကာ စွမ်းအင်အဆင့်ကို တိုးမြှင့်ပေးနိုင်သည်။
ဤဆေးသည် tricyclic antidepressants ဟုခေါ်သော ဆေးဝါးအမျိုးအစားတစ်ခုဖြစ်သည်။ ၎င်းသည် ဦးနှောက်အတွင်းရှိ အချို့သော သဘာဝဓာတုပစ္စည်းများ (Serotonin ကဲ့သို့သော အာရုံကြောဓာတ်များ) ၏ဟန်ချက်ကို ကောင်းမွန်အောင် လုပ်ဆောင်ပေးသည်။
COMMON BRAND(S): ELAVIL
GENERIC NAME(S): AMITRIPTYLINE
အသုံးပြုပုံ | ဘေးထွက်ဆိုးကျိုး | ကြိုတင်သတိထားရန် | ဓာတ်ပြုမှု | ကုသမှု
အသုံးပြုပုံ
ဤဆေးကို သင့်ဆရာဝန်ညွှန်ကြားသည့်အတိုင်း နေ့စဉ် ၁ ကြိမ်မှ ၄ ကြိမ်အထိ သောက်နိုင်သည်။ အကယ်၍ တစ်နေ့လျှင် တစ်ကြိမ်သာ သောက်ရပါက နေ့ခင်းဘက် အိပ်ငိုက်ခြင်းကို သက်သာစေရန် ညအိပ်ရာဝင်ခါနီးအချိန် သောက်သုံးပါ။
ဆေးပမာဏသည် သင့်ကျန်းမာရေးအခြေအနေနှင့် ကုသမှုအပေါ် တုံ့ပြန်မှုအပေါ် မူတည်ပါသည်။
ဘေးထွက်ဆိုးကျိုးများ (ဥပမာ-ငိုက်မျဉ်းခြင်း၊ ပါးစပ်ခြောက်ခြင်း၊ မူးဝေခြင်း) ဖြစ်နိုင်ခြေကို လျှော့ချရန်အတွက် ဆရာဝန်သည် ဆေးကို ပမာဏအနည်းငယ်ဖြင့် စတင်ကာ ဖြည်းဖြည်းချင်း တိုးမြှင့်ပြီး ပေးနိုင်သည်။ သင့်ဆရာဝန်၏ညွှန်ကြားချက်ကို ဂရုတစိုက်လိုက်နာပါ။
အကျိုးကျေးဇူးအများဆုံးရရှိရန် ဆေးကို အချိန်မှန် သောက်ပါ။
ဘေးထွက်ဆိုးကျိုး
ငိုက်မျဉ်းခြင်း၊ မူးဝေခြင်း၊ ပါးစပ်ခြောက်ခြင်း၊ အမြင်အာရုံဝေဝါးခြင်း၊ ဝမ်းချုပ်ခြင်း၊ ကိုယ်အလေးချိန်တက်လာခြင်း သို့မဟုတ် ဆီးသွားရာတွင် အခက်အခဲဖြစ်နိုင်သည်။ ဤအကျိုးသက်ရောက်မှုများသည် ကြာရှည်လာပါက သို့မဟုတ် ပိုဆိုးလာပါက သင့်ဆရာဝန် သို့မဟုတ် ဆေးဝါးကျွမ်းကျင်သူထံ ချက်ချင်းအကြောင်းကြားပါ။
မူးဝေခြင်းဖြစ်နိုင်ချေကို လျှော့ချရန်အတွက် ထိုင်နေရာမှ ထသောအခါ ဖြည်းညှင်းစွာထပါ။
ကြိုတင်သတိထားရန်
ဤဆေးကို အသုံးမပြုမီ သင့်တွင် အောက်ပါရောဂါများနှင့် အခြေအနေများရှိပါက သင့်ဆရာဝန် သို့မဟုတ် ဆေးဝါးကျွမ်းကျင်သူကို ပြောပြပါ။
သွေးထွက်ခြင်းပြဿနာများ၊ အသက်ရှုပြဿနာများ၊ အသည်းပြဿနာများ၊ မကြာသေးမီက နှလုံးဖောက်ပြန်ခြင်း၊ ဆီးသွားခြင်းဆိုင်ရာပြဿနာများ (ဆီးကျိတ်ကြီးခြင်းကြောင့် ဆီးသွားခြင်းကဲ့သို့သော)၊ အလွန်အကျွံလုပ်ဆောင်နေသောသိုင်းရွိုက် (hyperthyroidism)၊ ရေတိမ် (ထောင့်ပိတ်အမျိုးအစား)၊ စိတ်/စိတ်အခြေအနေများ (ဥပမာ စိတ်ကြွရောဂါ၊ စိတ်ကျရောဂါ)၊ ၊ သတ်သေရန်ကြိုးစားမှု ရာဇဝင် ၊ အခြားဦးနှောက်ရောဂါများ ၊ အရက်ဖြတ်ခြင်း များ။
ဓာတ်ပြုမှု
ဤဆေးနှင့် ဓါတ်ပြုနိုင်သော ဆေးဝါးအချို့မှာ – arbutamine၊ disulfiram၊ သိုင်းရွိုက်ဖြည့်စွက်ဆေးများ၊ သွေးထွက်/အမာရွတ်ဖြစ်စေနိုင်သော အခြားဆေးဝါးများ ( clopidogrel ကဲ့သို့သော antiplatelet ဆေးဝါးများ၊ Ibuprofen ကဲ့သို့သော NSAIDs၊ warfarin ကဲ့သို့သော သွေးကျဲစေသောဆေးများ)၊ anticholinergic ဆေးဝါးများ ( belladonna alkaloids ကဲ့သို့သော) သွေးတိုးအတွက် အချို့သောဆေးဝါးများ (clonidine၊ guanabenz ကဲ့သို့သော ဦးနှောက်တွင် အလုပ်လုပ်သော ဆေးများ)။
ကုသမှု
- bulimia ဘူလင်မီးယား
- စိတ်ဖိစီးမှုရောဂါလက္ခဏာ
- စိတ်ဓာတ်ကျခြင်း
- ရေယုန်ဖြစ်ပြီးနောက် အာရုံကြောနာကျင်မှု
